117 Saal Purani Mumbai Crime Branch Ki Building Ke Pattharon Se Banega Memorial
117 Saal Purani Mumbai Crime Branch Ki Building Ke Pattharon Se Banega Memorial
View this post on Instagram
Mumbai Crime Branch ki 117 saal purani historic building, jahan Lokmanya Tilak ko giraftar kiya gaya tha aur 26/11 ke terrorist Ajmal Kasab se poochtaach hui thi, ab poori tarah se demolish kar di gayi hai. Building unsafe declare hone ke baad ise todna zaroori ho gaya.
Ab is building ke purane patthar ko phaika nahi jaayega — unse Naigaon Police Headquarters ke parade ground mein ek special memorial banaya jayega.
Yeh building 1908 mein Malad ke paththaron se banayi gayi thi aur 9 June 1909 se Crime Branch ka kaam yahin se chalu hua tha. Kai saalon tak yeh building Mumbai ke organized crime, gang war, terror cases, aur big economic crimes ki investigation ka main center rahi.
Officials ne bola hai ki Crime Branch ki “virasat” khatam nahi hogi. Demolished building ke har useful patthar ko carefully preserve kiya ja raha hai.
