19 Saal Ki Shreya Pati Ki Lonavala Mein Maut
Mumbai Ki 19 Saal Ki Ladki Shreya Pati Ki Lonavala Mein Maut Ho Gayi. Duke’s Nose Ke Paas Tiger Point Ke Kareeb Solo Trek Ke Dauraan Woh Gehri Khai Mein Gir Gayi.
View this post on Instagram
Shreya Saturday, 31 January Ko Lonavala Gayi Thi, Lekin Ghar Wapas Nahi Loti, Jisse Parivaar Pareshan Ho Gaya. Raat Mein Hi Family Ne Uski Talaash Shuru Kar Di Aur 1 February Ki Subah Uske Missing Hone Ki Report Police Mein Darj Karayi.
Tiger Point Ke Paas Shreya Ka Handbag Mila, Jiske Baad Shivdurg Rescue Team Ko Bulaya Gaya. Rescue Operation Ki Lead Vaishnavi Bhangre Aur Mahesh Masane Ne Ki. Team Ne Ropes, Sniffer Dogs Aur Drones Ki Madad Se Area Ki Baariki Se Talaash Ki.
Shaam Me Drone Ki Madad Se Shreya Ki Body Lagbhag 390 Feet Neeche Khai Mein Dikhai Di. Mushkil Rescue Operation Ke Baad Raat Me Uski Body Bahar Nikali Gayi
Is Rescue Operation Mein Pune Police, Lonavala Police, Local Dukandaar Aur Rescue Team Ke 22 Members Ne Madad Ki. Police Ka Kehna Hai Ki Maamle Ki Jaach Ki Jaayegi Taaki Pata Lag Sake Ki Yeh Accident Tha, Ya Koi Aur Wajah.
Follow Us
