57 Saal Ka Aadmi Burqa Pehenkar Ladies Coach Mein Safar Karta Pakda Gaya, Nashik Se Arrest
57 Saal Ka Aadmi Burqa Pehenkar Ladies Coach Mein Safar Karta Pakda Gaya, Nashik Se Arrest
Mumbai local train ke ladies coach mein burqa pehenkar safar karne ka ek chonkane wala maamla saamne aaya tha. 57 saal ke ek aadmi ko is mamle mein Nashik se giraftar kiya gaya.
Yeh ghatna 6 February ko Ghatkopar railway station par saamne aayi thi. Agle din iska video social media par viral ho gaya, jiske baad (GRP) ne bina formal complaint ke suo motu case lekar investigation shuru ki.
Aaropi ki pehchaan Sheikh Altaf Hussain Ishaq (57) ke roop mein hui, jo Nashik ke Muktidham area ka rehne wala hai. Police ne Ghatkopar aur Thane stations ke CCTV footage check kiye. Aage chal kar Igatpuri aur Nashik Road railway station ke footage bhi khangale gaye. Ek video mein woh Nashik Road station par fencing koodte hue bhi dikha.
Police investigation mein pata chala ki aaropi schizophrenia se peedit hai aur Sambhajinagar ke ek mental hospital mein uska ilaaj chal raha hai. Authorities ke mutabik, bimari ke chalte woh kabhi-kabhi ghar se bhatak jata hai.
