“Abhi Bill Update Karo Warna Gas Band” – Mumbai Me Gas Connection Ke Naam Par ₹70 Hazaar Ki Cyber Thagi

“Abhi Bill Update Karo Warna Gas Band” – Mumbai Me Gas Connection Ke Naam Par ₹70 Hazaar Ki Cyber Thagi

Mumbai me gas connection band karne ki dhamki dekar cyber thagi ka ek naya case saamne aaya hai. Vile Parle East me Chintan Cheda naam ke vyakti se scammers ne lagbhag ₹70,000 ki thagi kar li.

fraudsters ne khud ko Mahanagar Gas Limited ka employee batakar phone kiya aur kaha ki unka gas bill pending hai. Unhone dar dikha kar victim ko ek APK file download karne ko kaha. Jaise hi file download hui, scammers ne mobile ka access le liya aur bank account se paise nikaal liye.

Mumbai me is tarah ke kai cases saamne aa rahe hain jahan gas supply band karne ki dhamki dekar logon ko target kiya ja raha hai, khaaskar buzurg logon ko.