Bareilly Me Khaali Makan Me Namaz Par Police Action, 12 Log Detain Hue.
View this post on Instagram
Uttar Pradesh ke Bareilly district ke Mohammadganj gaon me police ne 12 logon ko bina permission ek khaali ghar me Jumah namaz padhne ke mamle me detain kiya h.
Police ko gaon ke kuch logon ne tab suchna di ki ye khaali ghar kuch hafton se temporary madrasa ya masjid ke roop me regularly istemal ho raha tha, jiske baare me video viral bhi hua hai.
SP (South) Anshika Verma ne bataya ki bina adhikar ke kisi nayi religious activity ya gathering karna kanoon ke khilaf hai isliye aage law and order banaye rakhne ke liye ye kadam uthaya gaya.
Batadein ki Detained vyaktiyon ko breach of peace ke tahat challan kiya gaya, aur unhe magistrate ke saamne pesh kar bail mil gayi h.
Police abhi bhi kuch anya logon ko trace kar rahi hai jo is case me absconding bataye ja rahe hain.
Authorities ne sabhi samudaay se shaanti aur kanoon-vyavastha banaye rakhne ki appeal bhi ki hai.
