BMC-NMMC ke officers ki Salary par rok- Bombay High Court
View this post on Instagram
Bombay High Court ne Mumbai aur Navi Mumbai mein badhte air pollution ko lekar BMC aur NMMC par sakht naraazgi jatayi hai. Court ne kaha hai ki agar AQI aur pollution control ke mamle mein ground par sudhaar nahi dikhai diya, toh Commissioners ki salary rokne jaise kadam uthaye ja sakte hain.
Court ne observe kiya ki civic bodies ne pehle diye gaye orders ko seriously implement nahi kiya. Judges ne yeh bhi kaha ki pollution control ke liye jo action liya gaya, woh sirf court ke pressure ke baad hi dikhai diya, jo bilkul unacceptable hai.
Sunwai ke dauran, Court ne NMMC Commissioner par khas taur par naraazgi jatayi kyunki unhone khud affidavit file nahi kiya aur kisi aur officer ko bhej diya. Court ne clear message diya ki top officials ko personal responsibility leni hogi.
Abhi ke liye salary rokne ka decision sirf proposal hai, lekin Court ne warn kiya hai ki agar next hearing tak concrete action aur improvement nahi dikha, toh sakht orders pass kiye ja sakte hain.
