“Mohan Bhagwat n kaha Hindustani Muslims Ko Naukri Do, Illegal Migrants Ko Nahi”
“Mohan Bhagwat n kaha Hindustani Muslims Ko Naukri Do, Illegal Migrants Ko Nahi”
View this post on Instagram
RSS chief Mohan Bhagwat ne 28 August 2025 ko Nagpur mein RSS ke 100 saal ke celebration ke dauran ek important bayan diya. Bhagwat ne kaha ki illegal migrants yaani gair-kanuni pravasi ki wajah se desh mein demographic imbalance ho raha hai, aur unhe naukri dena galat hoga. Unhone clear kiya ki jobs aur opportunities sirf India ke asli citizens, jisme Muslims bhi shamil hain, unko milni chahiye.
Mohan Bhagwat ne mazeed kaha ki “Conversion aur illegal migration dono hi demographic imbalance ke bade karan hain. Humhe illegal migrants ko job nahi deni chahiye, balki apne logon—jinmein Musalman bhi shamil hain—un ko rozgaar dena chahiye.”
Aap ko batadein ki Ye bayan Bhagwat ne ek Question & Answer session ke dauran diya, jisme unhone Hindu-Muslim relations aur desh ke bhavishya par apni soch rakhi. Iske saath hi unhone yeh bhi kaha ki jo log samajhte hain ki Islam khatam ho jayega, woh Hindu soch ko samajh nahi paate, kyunki Hindu parampara kabhi kisi dharm ke mitane ki baat nahi karti.
Ab dosto RSS chief Mohan Bhagwat ka ye bayan ki “Hindustani Musalmano ko naukri milni chahiye, lekin illegal migrants ko nahi” aise waqt mein ek positive paighaam hai jab desh mein Muslims ko aksar nishana banaya ja raha hai. Unka yeh kehna ke Muslims bhi iss mulk ke asli nagrik hain aur unhe barabri ka haq milna chahiye,
samaaj ko ek nayi soch deta hai. Kaash andhbhakt aur nafrati chintu bhi Mohan Bhagwat ke is statement ka sahi matlab samajh paayein, aur Hindu-Muslim ke beech nafrat ki diwar girakar insaaniyat aur mulk ki ekta ko mazboot banayen.
MohanBhagwat, RSS, Nagpur, RSS100Years, IllegalMigrants, DemographicImbalance, MuslimCitizens, EmploymentRights, HinduMuslimUnity, IndiaFirst, ConversionDebate, NationalIntegration, BreakingNews, SocietyAndCulture, PositiveMessage
