Chori Ka Truck Sale Karne Wali Interstate Gang Ke 9 Logon Par Case Darj Jisme 3 RTO Officials Bhi Shamil Hain at Navi Mumbai, 29 Trucks Baramad.
Navi Mumbai Police Crime Branch Unit Ne Aisi Interstate Gang Ka Pardafash Kiya Jo Chori Ke Truck Ko Register Karke Chassis Number Aur Engine Number Change Karke Sale Karne Ka Kaam Karti Hai.
Navi Mumbai DCP (Crime Branch) Amit Kale Ne Bataya Ke Iss Racket Ka Mastermind Javed Abdullah Shaikh Urf Maniar (49yrs) Sahit 9 Logon Ko Arrest Kiya Haya Jisme Amravati Ke RTO Officers Bhi Shamil Hain.
Arrested Logon Ke Naam Mohammad Aslam Baba Shaikh (49yrs), Shivaji Asaram Giri (48yrs), Amit Shankatha Singh Urf Monu Rajput (33yrs), Shaikh Rafeeq Shaikh Dilawar Mansuri Urf Rafeeq Mamu (42yrs), Varun Ramesh Jibhekar Urf Seel (41yrs) Bataye Jaa Rahe Hain.
Sath Hi Amravati Se Pakde Gaye 3 RTO Officers Ke Naam Assistant Motor Vehicle Inspector Bhagyashree Patil (43yrs), Inspector Ganesh Varute (35yrs), Aur Assistant RTO Officers Sidharth Vijay Singh Thoke (35yrs) Bataya Jaa Raha Hai.
Navi Mumbai Police Ne Pakde Gaye Logon Ke Pass Se 29 Trucks Baramad Kiye Jiski Value Rs 5.50 Crore Batayi Jaa Rahi Hai.
