Dahisar Crime: Aadmi Girftaari Ke Baad Police Custody Mein — Wife aur 14-Year-Old Beti Ko Maarne Ki Koshish Ka Aarop.
Dahisar Crime: Aadmi Girftaari Ke Baad Police Custody Mein — Wife aur 14-Year-Old Beti Ko Maarne Ki Koshish Ka Aarop.
View this post on Instagram
Mumbai ke Dahisar area me 36 saal k Hanumant Sonwal, ko police ne arrest kiya hai. Uspar aarop hai ki usne Sunday raat apni wife aur 14 saal ki beti ko maarne ki koshish ki. Beti ke gardan par gehra zakhm aaya, jisme doctors ko 5 stitches dene pade. Yeh incident tab hua jab ghar me property aur divorce ko lekar kaafi din se tension chal rahi thi. Wife Rajshri ne pehle hi Bandra court me domestic violence ke basis par divorce petition file ki thi, aur daughter ne bhi police ko bataya ki father aksar sharab peene ke baad maa par haath uthata tha.
Police ke mutabik, Sunday ko Rajshri lawyer se milkar ghar aayi to dono ke beech phir se jhagda hua. Raat ko jab mother-daughter so rahi thi, tab Priyanshi achanak dard se uthi aur dekha ki uski gardan se khoon beh raha hai aur father haath me blade lekar khada hai. Padosiyon ne turant aakar situation control ki aur Sonwal ko alag kiya. Ladki ka medical karane ke baad police ne uska statement record kiya aur attempt-to-murder ka case register kiya. Dahisar police ke Senior Inspector ke mutabik accused ko Monday ko court me pesh kiya gaya aur 3 December tak police custody me bhej diya gaya.
