Delivery Boy Ne 3 Crore Ke Jewels Churaye, Udaipur Se Arrest
Zaveri Bazaar mein ek shocking chori ka case samne aaya hai, jisme ek delivery boy ne job join karne ke sirf teen din baad 2.9 crore ke gold jewellery se bhare 17 bags chura liye.
View this post on Instagram
accused Mehul Garg (24) ko Mumbai Police ne Udaipur, Rajasthan se arrest kiya aur churaye gaye jewels recover kar liye.
Mehul ko 2 August 2025 ko Jai Ambe Courier Services mein delivery boy ke taur par rakha gaya tha, jahan uska kaam jewellery shops se parcels collect karke customers tak pahunchana tha.
Police ke anusaar, Mehul ne apne boss ke WhatsApp group mein parcel details dekhkar chori ka plan banaya. 5 August ko usne 17 bags collect kiye aur sham 7:10 baje apne boss Sahil Kothari ko call karke kaha ki uska bag full hai aur phone ka 5% charge bacha hai. Iske baad uska phone switch off ho gaya aur woh Mumbai se bhaag gaya.
