Desh Me 3 New Criminal Laws Aaj 1 July Se Lago Huye, Delhi Me Hui Pehli FIR Darj
Government of India ne Saturday ko States aur Union Territories ke sath regular meetings ki aur aaj 1 July se 3 New Criminal Laws ko mazbooti se lago karne ki charcha hui.
Bharatiya Nyaya Sanhita, 2023, Bharatiya Nagarik Suraksha Sanhita, 2023, aur Bharatiya Sakshya Adhiniyam, 2023 yeh 3 naye criminal laws aaj se lago ho gaye hain aur Delhi me pehli FIR bhi darj ki jaa chuki hai.
Beeti raat New Delhi station ke pass beech road par pheriwali gaadi lagaye ek shaks paani ki bottle aur gutkha sale kar raha tha jisski wajah se traffic jaam ho rahi thi.
Police ke mana karne par bhi baat nahi manane ko lekar Delhi Police ne uss shaks ke khilaf Bharatiya Nyaya Sanhita ke tahat mamla darj kiya.
