Doctor Gayab St George Hospital Se, Staff Ki Death Hui, Public Jama Hui, Police Aayi, 2 Doctor Ko Suspend Kiya Gaya South Mumbai
South Mumbai ke BMC ke St George Hospital me safai ka kaam karne wale staff Anish Kailash Chauhan ko head injury hui thi, jise hospital laaya gaya. Lekin, allegedly 3 ghante tak hospital me koi doctor nahi tha, jiss se Anish ki death hogayi.
View this post on Instagram
Hospital me doctor ke na hone ke karan staff ki death hui. Is laparwahi ko dekhte hue, mritak ke ghar wale aur log hospital me jama hone lage.
Badhte huye bheed ko dekhte hue, police ko bula kar situation ko handle kiya gaya aur logon ko samjhaya gaya.
Is ghatna ki khabar milte hi, Assembly Speaker aur Local MLA Rahul Narvekar bhi hospital pahunche aur logon ki shikayatein suni.
Iss mamle me 2 doctors ko suspend kar diya gaya hai aur jaanch ke baad zimmedar logon ke khilaf kadak karwai karne ka aashwasan diya gaya hai.
