“Bombay Nahi Mumbai Bolo..” MNS neta Ne Kapil Sharma Ko Di Warning
MNS ke leader aur Chitrapat Sena chief Ameya Khopkar ne comedian Kapil Sharma ko strict warning di hai ki woh apne show mein Mumbai ko ‘Bombay’ na bolein.
View this post on Instagram
yeh controversy tab shuru hui jab Kapil Sharma ke show mein celebrities, Delhi ke Rajya Sabha MPs, aur anchors ne Mumbai ko ‘Bombay’ kaha.
Khopkar ne X (pehle Twitter) par post karte hue gussa dikhaya aur kaha, “Bombay ka official naam badal kar Mumbai rakhne ke 30 saal baad bhi, Bollywood ke Kapil Sharma show mein yeh galti hoti rehti hai!”
Amay Khopkar ne kaha, “Hindi films aur shows mein bhi yeh shabd istemal hota hai, jo unacceptable hai.” Warning dete hue unhone bola, “Agar aisa nahi hota, toh MNS ki taraf se aandolan hoga. Jo log Mumbai ko Bombay bolenge, unhe hamare gusse ka saamna karna padega.”
