Delhi HC Ne Aishwarya Rai Bachchan Ke Personality Rights Ki Raksha Ki, AI Misuse Par Rok
Delhi HC Ne Aishwarya Rai Bachchan Ke Personality Rights Ki Raksha Ki, AI Misuse Par Rok
Delhi High Court ne Bollywood ki jaani-maani actress Aishwarya Rai Bachchan ke personality rights ko protect karne ka bada faisla sunaya hai, especially AI-generated deepfake aur unauthorised products ke khilaf.
View this post on Instagram
Justice Tejas Karia ne interim order pass kiya, jisme defendants ko Aishwarya ke naam, chehre ya persona ka galat istemal rokne ka hukm diya gaya hai.
Yeh order commercial exploitation aur online misuse ko target karta hai, jaise AI se banaye gaye pornographic visuals aur unke face morphing.
Aishwarya ne court mein petition daali thi ki kai websites aur unidentified log unke face ko superimpose kar ke intimate aur adult content bana rahe hain, aur bina permission ke T-shirts, mugs, posters jaise products bech rahe hain.
Isse unki privacy aur dignity ko nuksaan pahunch raha hai. Court ne kaha, “Jab kisi famous personality ka identity bina consent ke use hota hai, toh yeh sirf commercial loss nahi, balki unke dignity ke right ko bhi hurt karta hai.”
