Goa–Pune Ke Baad Ab Mumbai Mein Sunburn Festival, Hindu Sangathanon Ka Zordaar Virodh
Goa–Pune Ke Baad Ab Mumbai Mein Sunburn Festival, Hindu Sangathanon Ka Zordaar Virodh
View this post on Instagram
Asia ka mashhoor EDM event Sunburn Music Festival ko lekar Mumbai mein controversy badhti ja rahi hai. Goa aur Pune se hataye jaane ke baad pehli baar Sunburn Festival Mumbai mein organise kiya ja raha hai, lekin isko lekar Hindu sangathanon aur nasha-virodhi groups ne kadi aapatti jataayi hai
Sunburn Festival 19 se 21 December tak Shivdi ke Infinity Bay area mein hone wala hai. Jahan ek taraf music lovers aur youth is event ko lekar excited hain, wahin doosri taraf is festival ke khilaaf shehar bhar mein protests shuru ho chuke hain.
Virodh kar rahe Hindu sangathanon ka kehna hai ki Sunburn sirf ek music festival nahi raha, balki yeh nashili culture ko promote karta hai. Unka aarop hai ki pichhle saalon ke Sunburn events mein drugs seizure, medical emergencies aur youth ki health kharab hone jaise cases saamne aaye hain.
Sunburn ke khilaaf virodh sirf Mumbai tak simit nahi hai. Dadar, Vashi, Nerul, Vasai aur Virar ke saath-saath Navi Mumbai, Thane, Raigad aur Palghar districts mein bhi pichhle kuch dinon se protests ho rahe hain.
