Haj 2026: Passport Process Ko Lekar Sarkar Ne Jaari Kiya Naya Hukm, Applicants Ko Jaldi Karni Hogi Tayari
Haj 2026: Passport Process Ko Lekar Sarkar Ne Jaari Kiya Naya Hukm, Applicants Ko Jaldi Karni Hogi Tayari
View this post on Instagram
Haj 2026 ke liye tayyariyaan shuru ho chuki hain aur is silsile mein Bharat Sarkar ne ek zaroori notification jaari kiya hai. 30 June 2025 ko Ministry of External Affairs ne sabhi Passport Offices ko ek official office memorandum ke zariye nirdesh diya hai ki Haj ke iraade se passport apply karne wale logon ke cases ko high priority par process kiya jaye.
Is baar Saudi Arabia sarkar ne Haj 2026 ke liye timelines ko thoda chhota kiya hai, isliye Haj ke liye apply karne wale sabhi logo ke paas ek machine-readable Indian passport hona zaroori hai jo kam se kam 31 December 2026 tak valid ho. Ye baat Ministry of Minority Affairs ke reference ke baad MEA ne circular ke through sabhi regional passport offices tak pahunchayi hai.
Iss circular mein yeh bhi kaha gaya hai ki agar aakhri waqt mein applications ka pressure badhta hai, to uske liye passport offices ko special arrangements karne chahiye. Jaise ek nodal officer appoint karna, facilitation counters kholna, appointment slots reserve karna aur public ki complaints ya requests ka prompt response dena.
Passport officers ke saath-saath Verification Officers, Granting Officers aur Service Providers ko bhi is nirdesh ka palan karne ke liye keh diya gaya hai.
Yeh circular un sabhi ke liye zaroori hai jo Haj 2026 mein shaamil hone ka iraada rakhte hain. Passport application, police verification aur documentation mein koi deri na ho, isliye abhi se tayyari shuru karna zaroori hai.
Ye information official memorandum ke zariye jaari ki gayi hai aur isse Press Information Bureau (PIB) aur others Media jaise reliable sources ne bhi publish kiya hai.
Aap ko batadein ki Application deadline: 31 July 2025 tak h aur Passport validity required: Minimum till 31 December 2026 tak .
Nazreen,Yeh ek authentic aur latest update hai, jo Haj yatriyon ke liye bahut maayne rakhta hai.
Haj2026, PassportUpdate, MEAIndia, HajYatra, SaudiHajRules, PassportOffice, IndianPassport, HajApplication, HajNews, HajAlert, MuslimCommunity, HajPreparation, Minorit
