ISIS ko Indian company dwara bheji gayi Rs. 500 crore ki nashili dawai zapt (Italy police ka dawaa 11/5/2017)
Italy ke Genoa bandargah pe shampoo aur cream ki bottles me chupakar 3 containers me aaye drugs ke jakhire ko Italy ki police ne zapt kiya. Container me 3 crore 75 lakh Tramadol ki goliya baramad ki hai.
Dawaa kiya jaa raha hai ki, Libya me ISIS ko jaane waala tha pura jakhira. Jaahaz pehle India se Sri Lanka gaya. Jaha documents se 'Tramadol’ ka naam hata kar jahaz Libya ke liye rawana huwa. Italy pahuchte hi police ne jahaz ko rokh liya.
Zapt ki gai nashili dawai ki keemat Rs. 500 crore ke upar batayi jaa rahi hai. Isse pehle saal 2016 me Greece ke Piraeus bandargah me bhi paaye gaye they 2 crore 60 lakh goliya, jo Indian company se aaya tha.
ISIS aur Boko Haram jaise atanki sangathano ka apne ladhakuo ko nashili dawai dene ki kayi baar reports saaamne aayi hai. Visheshagyo ki maane to atankwaadi in nashili dawai ka istemaal 2 tarike se karte hai:
1) Ladhai ke dauran dard ko bardasht karne ke liye isey khaaya jaata hai.
2) Nashe ke karobar ke zariye atanki gatividi ko finance kiya jaata hai.
Sainiko ko nashile padarth dene ka kaam kayi samay se jaari hai. Second World War ke waqt Hitler apne fighter ko Pervitin Tablets diya karta tha. Jiski badaulat unme jaagne ki shramta aur ladhai ke liye dimaagi santulan banta. Aaj ke waqt me Pervitin ko Methamphetamine ke naam se jaana jaata hai, jo duniya ka sabse khatarnak nashe me se hai.
Gallinews.com
–
–
(For More IMP News) like and follow on
https://m.facebook.com/gallinews/
https://twitter.com/gallinews?s=08
https://www.youtube.com/user/gallinews
