Jalna HSC Exam Center Par Hijab Ko Lekar Bawal.
Maharashtra me chal rahi 12vi ki board exam ke dauran Jalna ke Nutan Mahavidyalaya me hijab pehenkar aayi kuch students ko lekar Center Me Hangama Hogaya
Aisa Bataya jaa raha hai exam center staff ne identity verification ke liye students ko rok kar kaha ki hijab hatakar pehchan confirm karni hogi, tabhi entry milegi.
Is par students ne parents aur social workers ko inform kiya, jiske baad woh exam center par pahunch gaye.
Center in-charge ne safai dete hue kaha ki har student ki pehchan confirm karna unki zimmedari hai aur verification ke baad hi entry di ja rahi hai. Baad me concerned students ko exam hall me jaane diya gaya.
Incident ke baad MIM ke padadhikari exam center par pahunch kar media se baat ki. Unhone kaha ki kisi bhi student par dharm ya jaat ke aadhar par pressure nahi dala jana chahiye.
Ab is khabar ke baad un Muslim students ko bhi samajhna chahiye jo exam centers par exam dene jaati hain aur parda karti hain.
Lekin yeh rule hota hai ki identification zaroor hoti hai, kyunki aksar bahut se log cheating bhi karte hain. Kabhi-kabhi koi dusra bachcha bhi kisi aur ke seat number par exam dene aa jata hai. Isliye yeh unki zimmedari hoti hai ki woh check karein, aur ismein students ko cooperate karna chahiye.
Haan, agar mazhab ya hijab ko lekar sach mein koi vivad ya pareshani saamne wala khada kar raha ho, to beshak students ko apne parents aur badon ko inform karna chahiye.
