Jogeshwari Police Ki 28 Saal Baad Badi Karwai! 5 Gharphodi Ke Cases Mein Farar Aaropi Giraftar

Jogeshwari Police Ki 28 Saal Baad Badi Karwai! 5 Gharphodi Ke Cases Mein Farar Aaropi Giraftar

 

View this post on Instagram

 

A post shared by Gallinews India (@gallinews_com)

Jogeshwari Police ne 28 saal baad ek badi safalta haasil ki hai. 1998 mein gharphodi ke 5 alag-alag cases mein shamil aur tab se farar chal raha aaropi ko police ne giraftar kar liya hai.

Giraftar aaropi ka naam Annadurai urf Raju Karapanna Devendra (55) hai. Court ne use pehle hi ‘proclaimed offender’ declare kiya tha, jiske baad woh apni pehchan chhupa kar reh raha tha.

Mumbai Police Commissioner ne farar aur wanted aaropiyon ko pakadne ke liye special drive shuru ki hai. Isi abhiyan ke tahat Jogeshwari Police ke tadipaar squad ne purane records khangale aur 28 saal purane aaropi ki talash shuru ki.

Yeh karwai Mumbai Police Commissioner Deven Bharti, Joint CP Satyanarayan, Additional CP Paramjit Singh Dahiya, DCP Datta Nalawade aur ACP Sampatrao Patil ke margdarshan mein ki gayi. Senior PI Iqbal Shikalgar ke supervision mein PSI Harshal Suryavanshi, Police Constable Gaurav Kadam aur Mangesh Mande ne is operation mein mahatvapurn bhoomika nibhayi.