Kamal Maula Masjid–Bhoj Shala Dispute: Supreme Court ne Friday Namaz par Ban aur Full-Day Puja ki Yachika Kharij ki.
Kamal Maula Masjid–Bhoj Shala Dispute: Supreme Court ne Friday Namaz par Ban aur Full-Day Puja ki Yachika Kharij ki.
View this post on Instagram
Madhya Pradesh ke Dhar district me sthit historical Kamal Maula Masjid–Bhoj Shala dispute par Supreme Court ne ek aham faisla sunaya hai.
Court ne Friday ki namaz par pabandi aur Basant Panchami ke din poore din puja karne ki maang ko saaf taur par reject kar diya. LiveLaw aur anya credible reports ke mutabik, Supreme Court ne kaha ki 2003 se chale aa rahe arrangements hi lagu rahenge aur kisi ek dharmik samuday ko special ya exclusive rights nahi diye ja sakte.
Yeh sunwai Hindu Front for Justice ki taraf se daayar yachika par hui thi, jisme Basant Panchami ke mauke par sirf Hindu puja ki ijazat aur Friday namaz ko delay ya restrict karne ki maang ki gayi thi.
Yachikakarta ke vakil Vishnu Shankar Jain ne dalil di ki puja sunrise se sunset tak honi chahiye aur namaz shaam me padhai ja sakti hai. Is par Masjid Committee ki taraf se senior advocate Salman Khurshid ne court ko bataya ki Friday namaz ka waqt Islamic shariyat ke mutabik fixed hota hai (dopahar 1 se 3 baje ke beech) aur ise badla nahi ja sakta.
Court ne dono pakshon ki baat sunne ke baad status quo banaye rakhne ka order diya aur spasht kiya ki pehle jaise hi dharmik activities regulated time ke andar hoti rahengi.
