“Kisi Ke Baap Mein Dam Nahi…”: Mumbai Mein Bihar Bhavan Ko Lekar MNS–Shiv Sena Se Seedhi Takkar, Bihar Sarkar Ka Khula Ailaan
“Kisi Ke Baap Mein Dam Nahi…”: Mumbai Mein Bihar Bhavan Ko Lekar MNS–Shiv Sena Se Seedhi Takkar, Bihar Sarkar Ka Khula Ailaan
View this post on Instagram
Mumbai mein Bihar Bhavan ke nirmaan ko lekar siyaasat garma gayi hai. Maharashtra Navnirman Sena (MNS) aur Shiv Sena (UBT) ne is project ka khulkar virodh kiya hai, jabki Bihar Sarkar ne do-took keh diya hai ki Bihar Bhavan har haal mein banega.
Bihar Sarkar ne is project ke liye ₹314.20 crore ki manzoori de di hai. Yeh 30-manjila modern building Mumbai Port Trust ki zameen par banne wali hai, jismein officers, guests ke saath-saath cancer patients aur unke parivaron ke liye khaas suvidha hogi.
MNS aur Shiv Sena ke virodh par Bihar Sarkar ke Mantri Ashok Choudhary ne sakht reaction dete hue kaha,
“Hulldbaazi chhod dijiye, Bihar Bhavan banega. Kisi ke baap mein dam nahi hai jo ise rok sake.”
Unhone yeh bhi kaha ki Mumbai kisi ki jaagir nahi hai aur yahan kanoon ke tahat kaam hoga.
