All NewsBreaking NewsMumbai
Kya MIM Mumbai Head Farooq Shabdi Apni Post Se Hatne Ki Taiyaari Mein? Jald Hi Kar Sakte Hain Resign?
Kya MIM Mumbai Head Farooq Shabdi Apni Post Se Hatne Ki Taiyaari Mein? Jald Hi Kar Sakte Hain Resign?
Aaj subah se WhatsApp par ek message tezi se viral ho raha hai, jisme yeh daawa kiya ja raha hai ki haal hi mein banaye gaye MIM Mumbai Adhyaksh Farooq Shabdi apni post se resign karne ki taiyaari mein hain.
View this post on Instagram
Aap ko bata de ki election se theek pehle Hyderabad team ke dakhal (interference) ko lekar Mumbai unit mein narazgi ka mahaul bana hua hai.
yeh pehli baar nahi hai jab election ke waqt Hyderabad ki team Mumbai aakar candidates final karti hai.
Isse pehle bhi Shakir Patni aur Faiyaz Ahmed ke saath aise hi halat paida ho chuke hain.
Darasal, koyi bhi President apni mehnat se team taiyaar karta hai, logon ko jodta hai aur party ko mazboot karta hai.
Sangathan ko aage badhane ke liye kai members ko election ticket dene ka wada kiya jata hai, taaki cadre strong ho.
Lekin baad mein Hyderabad se aayi team achanak Mumbai leadership ke faislon ko nazarandaz kar deti hai.
Yeh parampara AIMIM ki Mumbai politics mein kaafi arse se chalti aa rahi hai, jiska nuksaan local sangathan ko uthana padta hai.
Aapko bata dein ki Farooq Shabdi ko haal hi mein MIM Mumbai Adhyaksh banaya gaya tha, aur unhone Mumbai mein bikhri hui MIM team ko samet kar ek mazboot sangathan khada karna shuru hi kiya tha ki tabhi unke resign ki baatein saamne aane lagi.
Farooq Shabdi ke leadership mein Mumbai AIMIM ne Niqab mamle jaise sensitive issue par jeet hasil ki, jo unki organizational strength ka ek bada example mana ja raha hai.
Khabar yeh bhi hai ki Maharashtra AIMIM President Imtiyaz Jaleel is mamle mein sulah karwane ki koshish kar rahe hain, taaki party ko election se pehle kisi bade nuksaan se bachaya ja sake.
Sawal yeh hai — kya MIM Mumbai ki khasta haalat ki asli wajah yahi internal interference hai?
Aur kya party high command is baar Mumbai leadership ki awaaz sunegi?
Follow Us
