Local Train Se Girne Se Mahila Ki Death, Ambernath-Badlapur Ke Beech Hua Haadsa
View this post on Instagram
Beeti raat Central Railway ke Ambernath aur Badlapur stations ke beech ek bheed bhari train mein travel kar rahi mahila ki train se girne se maut ho gayi.
Mritak ka naam Rutuja Ganesh Jangam bataya jaa raha hai, jo Karjat ki rehne wali thi.
Rutuja Thane ki ek private travel company mein kaam karti thi. Yeh haadsa ghar laut-te waqt hua.
Khabron ke mutabik, Ambernath station par bheed ke chalte Rutuja ne pehle utarne ki koshish ki thi aur phir wapas train me chadhti waqt balance bigad gaya. Ambernath-Badlapur ke beech wo door se gir gayi, jisse unki mauke par hi death ho gayi.
Authorities ne is durghatna par inquiry shuru kar di hai aur rail passengers se bheed ke waqt safety ka dhyan rakhne ki appeal ki hai.
