MDH Aur Everest Masala Singapore Aur Hong Kong Me Ban Kiya Gaya, Bataya Gaya Hai Ki Yeh Masala Use Karne Se Cancer Hone Ka Khatra Badh Sakta Hai.
Poori Duniya Mein India Apne Masale (Spice) Ke Liye Jaana Jaata Hai Aur Log Indian Spice Khana Pasand Karte Hain, Isliye Dusre Deshon Mein Indian Masale Ki Badi Mang Hai.
Desh Ki Do Badi Masala Company MDH Aur Everest Masala In Dono Charcha Ka Vishay Banaye Hue Hain Kyonki Singapore Aur Hong Kong Ne MDH Aur Everest Masala Ke Kuch Products Ban Kar Diye Hain.
Dono Deshon Ne Bataya Hai Ki In Masalon Mein Ethylene Oxide Badi Matra Mein Paaya Gaya Hai, Jisse Use Karne Se Cancer Hone Ke Chances Badh Sakte Hain.
Hong Kong Ne MDH Madras Curry Powder, MDH Sambar Masala Mix Powder, MDH Curry Mix Masala Powder Aur Everest Fish Curry Masala Powder Par Ban Lagaya Hai, Iss Se Pehle Singapore Mein Bhi Ban Lagaya Gaya Tha.
Khabron Ke Anusar Food Safety And Standards Authority Of India (FSSAI) Ab In Masala Products Ki Jaanch Karegi.
