Mira Road Police ne dance bar par badi karwai 19 mahila rescue, 13 log giraftar
Mira Road Police ne dance bar par badi karwai 19 mahila rescue, 13 log giraftar
Mira Road Police ne ek illegal dance bar par badi karwai karte hue 19 mahilaon ko rescue kiya aur 13 logon ko giraftar kiya hai.
Yeh bar “orchestra bar” ke naam par chalaya ja raha tha, lekin andar dance bar ki gatividhiyan ho rahi thi. Raid ke dauran police ko mirror ke peeche ek secret escape route bhi mila jo seedha residential wing tak jaata tha.
Police ko late-night operations aur “obscene dancing” ki shikayat mili thi. Iske baad DCP Rahul Chavan ki team ne decoy customers bheje. Jaise hi jaankari confirm hui, raat karib 1 baje Silver Park area me sthit Hotel White House (Khushi Restaurant) par raid ki gayi.
Talashi ke dauran ek suspicious mirror dikha. Jab police ne use dhakka diya, to mirror ke peeche ek gupt rasta nikla jo building ke dusre residential wing tak jaata tha. Police ka maanna hai ki raid ke waqt bhagne ke liye is rasta ka istemal kiya jaata tha.
19 mahilaon ko rescue kiya gaya. Police ne manager aur cashier samet 13 logon ko giraftar kiya hai
