MNS Worker Murder Case: Dindoshi Police Ne 9 Logon Ko Arrest Kiya
Malad East, North Mumbai Me 27 Saal Ke MNS Worker Aakash Maeen Ko Malad East Station Ke Paas Bheed Ne Milkar Maara, Jiske Natije Me Uski Death Ho Gayi.
Ghatna Ka Video Social Media Par Viral Ho Raha Hai, Jisme Log Aakash Ko Maar Rahe Hain Aur Aakash Ki Maa Apne Bete Ko Bachane Ke Liye Usse Cover Kar Rahi Hain, Par Log Phir Bhi Ruk Nahi Rahe Hain.
Dussehra Ki Shaam Par Hui Is Ghatna Ke Baad, Dindoshi Police Station Me Case Darj Hua Tha.
Police Ne Taaza Update Me Bataya Ki 9 Aaropiyon Ko Ab Tak Arrest Kiya Ja Chuka Hai Aur Investigation Jaari Hai.
Bataya Ja Raha Hai Ki Yeh Jhagda Autorickshaw Drivers Aur Pheriwalon Ke Group Ke Beech Hua Tha, Jisme Milkar Aakash Ki Jaan Le Li Gayi.
