Mumbai Airport Ke Paas Namaz Ki Ijazat Se Bombay High Court Ka Inkaar
Bombay High Court ne Mumbai ke Chhatrapati Shivaji Maharaj International Airport ke paas namaz padhne ki ijazat dene se inkaar kar diya hai. Court ne saaf kaha ki kisi bhi jagah namaz padhna ek absolute religious right nahi hai, khaaskar jab baat airport jaise high security area ki ho
View this post on Instagram
Yeh faisla Taxi-Rickshaw Ola-Uber Mens Union ki petition par sunwai ke baad diya gaya. Union ka kehna tha ki airport ke paas pehle ek temporary shed tha jahan taxi aur auto drivers namaz ada karte the, lekin April 2025 mein administration ne us structure ko hata diya.
Sunwai ke dauran Justice BP Colabawalla aur Justice Firdosh Pooniwalla ki bench ne kaha ki Ramzan Islam ka aham hissa hai, lekin iske naam par kisi bhi jagah namaz padhne ka adhikar claim nahi kiya ja sakta. Court ne zor dete hue kaha ki airport security ke mamle mein koi compromise nahi kiya ja sakta.
Follow Us
