Mumbai Airport Par Customs Ki Badi Karwai: 51 Crore Ka Hydrophonic Ganja Jabt, 8 Yatri Giraftar

Mumbai Airport Par Customs Ki Badi Karwai: 51 Crore Ka Hydrophonic Ganja Jabt, 8 Yatri Giraftar

Mumbai ke Chhatrapati Shivaji Maharaj International Airport (CSMIA) par Customs Department aur Air Intelligence Unit (AIU) ne ek bada drug smuggling racket expose kiya hai.

Pichhle kuch dinon me hui 6 alag-alag karwaiyon me 48 kilo hydrophonic ganja (weed) jabt kiya gaya hai, jiski international market value lagbhag ₹51 crore batayi ja rahi hai. Is mamle me 8 yatriyon ko giraftar kiya gaya hai.

Customs officials ke mutabik, yeh sabhi 6 cases international drug trafficking se jude hue hain. Giraftar kiye gaye sabhi 8 yatri Indian passport holders hain aur inme se zyadatar Bangkok (Thailand) se Mumbai aa rahe the. Officials ko shak hai ki yeh ek organized international smuggling network ka hissa ho sakta hai.