Mumbai Congress Ne Launch Kiya ‘Clean Air Action Plan’, 5 Saal Mein AQI 40–60 Tak Lane Ka Vada
Mumbai Congress Ne Launch Kiya ‘Clean Air Action Plan’, 5 Saal Mein AQI 40–60 Tak Lane Ka Vada
View this post on Instagram
Mumbai Congress ne Sunday ko apna ‘Clean Air Action Plan’ launch kiya. Mumbai Congress chief Varsha Gaikwad ne kaha ki agar Congress ki sarkar aati hai to pehle din se hi pollution control par kaam shuru ho jayega. Party ka target hai ki 5 saal ke andar Mumbai ka AQI 40–60 ke beech le aaya jaye.
Congress ka maana hai ki Mumbai ka pollution isliye badh raha hai kyunki sarkar builders aur contractors par action nahi leti. City me road works aur concreting ka kaam zyada ho raha hai, jisse dust badh rahi hai. Saath hi ped-paudon aur open spaces ka bhi nuksaan ho raha hai.
Congress ne pichhle hafte bataya tha ki har saal 5,100 Mumbaikars badhti hui air pollution ki wajah se maut ka shikar ho jaate hain. Isi liye party ne ek 10-point plan launch kiya hai jiska naam rakha gaya hai ‘Mumbai Congress Mission Wipe Out Pollution’.
Plan ke main points:
Har hotspot area me 24/7 live AQI monitors lagana
Har ward ka alag action plan
Private aur public construction sites ke liye strict rules
Pollution norms todne walon par heavy fine
Rules violate karne wale builders/contractors ko name and shame karna
‘Polluter Pays’ policy ka sakti se implementation
Industries aur commercial zones ke smoke par strict control
Traffic pollution kam karne ke effective steps
5 saal me 10 lakh trees lagane ka target (Green Mumbai 2030)
Ek Mumbai Clean Air War Room banana
BMC ki annual report me AQI targets include karna
NGOs aur citizen groups ke saath regular review meetings
Is plan ka aim hai ki Mumbai ko cleaner, greener aur healthier city banaya ja sake.
