Mumbai Ka ‘Rehman Daket’ Kaun? Eknath Shinde Ke Bayan Se Maharashtra Ki Politics Me Machi Halchal
Mumbai Ka ‘Rehman Daket’ Kaun? Eknath Shinde Ke Bayan Se Maharashtra Ki Politics Me Machi Halchal
View this post on Instagram
Maharashtra ki politics ek baar phir garma gayi hai, jab Deputy CM Eknath Shinde ne ‘Rehman Daket’ ka zikr karte hue BMC me lootpaat ka aarop lagaya. Shinde ke is statement ne na sirf political circles me balki aane wale municipal elections par bhi nayi behas chhed di hai.
Yeh poora controversy film ‘Dhurandhar’ ke character ‘Rehman Daket’ se jud kar saamne aayi hai, jiska use Shinde ne Vidhan Sabha ke Winter Session ke dauran kiya. BMC par baat karte hue Shinde ne kaha ki Mumbai ka khazana loot kar shehar ko ganda kar diya gaya, aur sawaal uthaya – “Mumbai ki tijori par daka daalne wala yeh Rehman Daket kaun hai?”
Shinde ne kisi ka naam directly nahi liya, lekin kyunki BMC par lamba samay se Shiv Sena (UBT) ka control raha hai, isliye unke bayan ko Uddhav Thackeray aur unke group par indirect attack maana ja raha hai.
