Mumbai Mausam – Orange Alert Zahir Kiya IMD Ne, Mumbai Ratnagiri Mein Aaj School College Ki Chutti Declare.
Sunday 7 July Se Thane, Ratnagiri Palghar Areas Mein Toofani Baarish Ho Rahi Hai Aur Beeti Raat 1 Baje Se Mumbai Mein Bhi Heavy Rainfall Ne Entry Kiya.
Heavy Rain Fall Ke Chalte Mausam Vibhag Ne Aaj 8 July Ko Mumbai Thane Ratnagiri, Palghar Mein Orange Alert Announce Kiya Hai. Ratnagiri Aur Mumbai Mein School Ki Poore Din Ki Chutti Ka Elaan Kiya Gaya Hai.
Mumbai Mein Mausla Dhaar Baarish Ke Chalte Kayi Areas Mein Road Par Paani Bhara Aur Traffic Movement Slow Hogaya, Central Railway Line Aur Harbour Line Ki Local Train Services Par Bhi Asar Hua.
Mumbai Mein Udaan Bharne Wali Aur Mumbai Aane Wali Kayi Flights Kharab Mausam Ke Chalte Late Hui Aur Kuch Divert Ki Gayi.
Mumbai Sahit Aaspaas Ke Areas Mein Aaj Bhi Zordaar Baarish Hogi, Log Apna Aur Apno Ka Khayal Rakhen.
#MumbaiMausam #OrangeAlert #HeavyRain #Monsoon #TrafficUpdate
