Mumbai Police Ka Operation All Out 26 January Republic Day Ke Mauqe Par 51 Wanted, 42 Tadipar Pakde Gaye
26 January Republic Day celebrations ke mauqe par koi Apriya ghatna na ho iss liye Mumbai Police ne Tuesday 24 January ki raat 11 baje se Operation All Out shuru kiya jo Wednesday 25 January ki dopehar 2 baje tak chalaya gaya
GALLINEWS SHORTS NEWS PRESS LINK
View this post on Instagram
Mumbai Police ne yeh Operation All Out Mumbai Police Commissioner Vivek Phansalkar, Special Mumbai Police Commissioner Deven Bharti and Joint Commissioner (Law and Order) Satyanarayan Chaudhary ke under the supervision me conduct kiya
Iss Operation All Out me police ne alag alag cases me wanted farar 51 logon ko arrest kiya aur 41 aise logon ko arrest kiya jinhe Tadipar kiya gaya tha
Drugs sale karne aur consume karne wale 139 logon par NDPS Act ke tehat karwai ki gayi
41 illegal weapons jisme swords, knives jaise sharp objects ke sath kuch logon ko arrest kiya gaya
Lagbhag 100 aise logon ko pakda gaya jinke khilaf non-bailable warrant issue hua tha
70 gambling adde aur illegal daru ke adde par chapa marje 55 logon ko arrest kiya gaya
Mumbai Police ne iss dauran 111 jagha Nakabandi bhi lagayi thi jisme total 6406 four aur two-wheelers ko check kiya gaya aur 2568 logon par under motor vehicle act ke karwai ki gayi jisme 5 Driver Drau peekar Gaadi chalate hue pakde gaye
Iske alawa Police ne Mumbai ke 844 hotels, lodges aur musafirkhanas me bhi checking kiya aur 331 illegal hawkers par karwai bhi kiya
