Mumbai Police Ke Radar Par Kaise Aaya Gangster Lawrence Bishnoi? Rohit Shetty Case Mein Hogi Poochtaach?
Mumbai Police Ke Radar Par Kaise Aaya Gangster Lawrence Bishnoi? Rohit Shetty Case Mein Hogi Poochtaach?
View this post on Instagram
Juhu mein Rohit Shetty ke residence ke bahar hui firing ke baad ab gangster Lawrence Bishnoi aur uske bhai Anmol Bishnoi se poochtaach ki sambhavana par bhi vichaar ho raha hai.
1 February ko Juhu mein Rohit Shetty ke ghar ke bahar 4–5 rounds firing hui, jisme balcony ke glass panels par nishaan pade. Ghatna ke waqt Rohit Shetty apne ghar ki 7th floor par maujood the aur wo bilkul safe hain. Is high-profile incident ke baad Crime Branch ne 12 special teams banayi aur 100+ CCTV footage check ki.
Police investigation mein pata chala ki hamlaawar Pune se bike par Mumbai aaye the. Is case mein pehle 5 logon ko custody mein liya gaya, jisme se 4 ko arrest kiya gaya. Shuruati jaanch mein Lawrence Bishnoi gang se link ka shak saamne aaya hai, khaaskar Shubham Lonkar ka naam, jo Baba Siddiqui murder case ka bhi accused hai.
Filhaal Anmol Bishnoi directly radar par nahi hain, lekin agar investigation mein badi saazish saamne aati hai toh un par bhi focus badh sakta hai. Police ka filhaal main focus absconding shooter ko pakadne par hai, jiski arrest se poora case clear ho sakta hai.
