Mumbai University Kalina Campus Par Students Ka Sit-In Protest, Degree Certificates Delay Par Hungama
Mumbai University Kalina Campus Par Students Ka Sit-In Protest, Degree Certificates Delay Par Hungama
View this post on Instagram
Mumbai University ke Kalina campus mein students ne examination department ke bahar sit-in protest shuru kar diya. Students ka kehna tha ki bina kisi prior notice ke unke degree certificates aur mark sheets dene se achanak mana kar diya gaya.
Students jo pichhle 1.5 se 2 saal pehle exams clear kar chuke the, unhe officially Kalina centre bulaya gaya tha certificates lene ke liye. Is wajah se kai students Ratnagiri, Raigad aur Palghar jaise districts se Mumbai aaye the.
Kai logon ne office se leave li, travel ka kharcha uthaya, lekin counter par pahunchte hi certificates dene se mana kar diya gaya.
Students ka kehna hai ki exam department ne convocation ceremony ka reason dekar last moment par certificates issue karne se inkaar kar diya, jo bina kisi advance information ke tha. Is sudden decision se students ka gussa aur stress dono badh gaya.
