Mumbai Water Cut: 44 Ghante Paani Ki Cut, Metro 7 Ka Kaam Bana Wajah; Dharavi, Bhandup, Vikhroli Samet Kai Ilake Prabhavit
Mumbai Water Cut: 44 Ghante Paani Ki Cut, Metro 7 Ka Kaam Bana Wajah; Dharavi, Bhandup, Vikhroli Samet Kai Ilake Prabhavit
View this post on Instagram
Mumbai ke logon ke liye ek important update hai. Shehar ke kai hisson mein 44 ghante tak paani ki supply prabhavit rehne wali hai. Yeh water cut Mumbai Metro Line 7 ke construction work ki wajah se hoga.
(BMC) ke mutabik, MMRDA ke Metro 7 project ke liye underground water pipeline ko shift karne ka kaam shuru kiya gaya hai. Isi kaam ke chalte kuch areas mein poori tarah paani band rahega, jabki kuch jagahon par low pressure ya limited timing ke saath supply di jaayegi.
20 January subah 9 baje se
22 January subah 5 baje tak
Mumbai ke kai ilakon mein paani ki supply ya to band rahegi ya phir kam pressure par milegi.
G North Ward:
Dharavi, Mahim ke kuch hissa aur Matunga Labour Camp area mein 20 aur 21 January ko subah-shaam low pressure par paani milega.
K East Ward (Sabse Zyada Affected):
Andheri East ke MIDC Marol, Chakala, Sahar, Airport Area, SEEPZ, Kondivita, Maheshwari Nagar, Bamanwada, Parsi Wada aur Sahar Gaon jaise ilakon mein poori tarah paani ki supply band rahegi.
Kuch jagahon par limited time ke liye low pressure supply di ja sakti hai.
S Ward:
Bhandup West aur Vikhroli West ke Morarji Nagar, Jai Bhim Nagar, Kailash Nagar, BEST Nagar, Filterpada aur Aarey Road area mein paani ya to kam pressure par milega ya poori tarah band rahega.
H East Ward:
Bandra East aur Bandra-Kurla Complex (BKC) area mein raat tak low pressure ke saath paani ki supply prabhavit rehne wali hai.
N Ward:
Vikhroli West Railway Station Road, Godrej Compound, R City Mall area, Kailash Complex, Shreyas Cinema area, Wadhwa Residency aur Presidential Towers jaise residential areas mein low pressure ya band supply ki sambhavna hai.
