Neck Se 3.5 Kg Ka Tumor Nikala Mumbai Ke KEM Hospital Ke Doctors Ki Team Ne, 3.5 Kg Ki Ganth Patient Ke Gale Me Thi
Mumbai Ke Parel Me KEM Hospital Ke Doctors Ki Team Ne Itihaas Rach Diya Ek Patient Ke Gale (Neck) Se 30 Cm Size Ki Lagbhag 3.5 Kg Wazni Tumor (Ganth) Operation Kar Successfully Nikala Aur Patient Ko Hone Wali Takleef Se Nijat Dilaya.
View this post on Instagram
Mumbai Se Kuch Doori Par Titwala Ke Rehne Wale Nikhil Palshetkar Namak Shaks Pichle 4 Saal Se Pareshan Tha Jiske Gale Me Ganth Hogayi Thi, Jiss Se Uska Uthna Baithna Sona Mushkil Tha Aur Ganth Ki Size Ko Dekhte Hue Sabhi Doctors Ne Operation Ke Liye Mana Kar Diya Tha.
Parel Ke KEM Hospital Me Under The Guidance Of Dr. Sangeeta Rawat Aur Anesthesiologist Dr. Shashikant Shinde Ke Sath Ear-Nose-Throat Department Ki Dr. Neelam Sathe Aur Team Ne Patient Ke Gale Se Qareeb 3 Ghante Ka Operation Karke 3.5 Kg Ki Ganth Nikalne Me Kamyab Hue.
Filhal Patient Ki Tabiyat Theek Hai Aur Usko Gale Ke Dard Se Chhutkara Mil Gaya Hai.
