Nirmal Nagar Police Ne 12 Ghante Me ₹40 Lakh Gold Chain Chori Ka Maamla Suljha Liya — 4 Log Giraftaar, ₹32 Lakh Ka Sona Baramad
Nirmal Nagar Police Ne 12 Ghante Me ₹40 Lakh Gold Chain Chori Ka Maamla Suljha Liya — 4 Log Giraftaar, ₹32 Lakh Ka Sona Baramad
View this post on Instagram
Bandra East me ek jewellery shop se ₹40 lakh ke gold chains chori karne wale gang ko Nirmal Nagar Police ne sirf 12 ghante me pakad liya. Police ne char logon ko giraftaar kiya, jisme ek aurat bhi shamil hai. Chori hua sona me se ₹32 lakh ka jewellery baramad kar liya gaya hai.
Police ke mutabiq complainant Kamlesh Chaplot (33) Bandra East me jewellery shop chalate hain.
Subah 9 baje ek aurat aur ek aadmi shop me aaye aur gold kharidne ke bahaane jewellery dekhna shuru kiya.
Aurat bar-bar paani maang kar jeweller ka dhyaan bhutati rahi. Jab Chaplot ne 25 gold chains wali folder unke saamne rakhi, tab teesra ladka file uthakar bhaag gaya.
Chaplot samaj gaye ke chori ho gayi hai aur turant unke peeche bhaage, lekin wo log bike par farar ho gaye. Area ke logon ne bhi madad ki, par teenon log nikal gaye. Is beech shop me maujood aurat aur uska saathi bhi gaayab ho gaye.
Chaplot ne turant Nirmal Nagar Police me complaint di. Police ne chori ka case register karke CCTV footage ki madad se investigation shuru ki. Ek special team banakar accused ko track kiya gaya.
Investigation se pata chala ke Aman Sheikh bhi unke saath chori ki planning me shamil tha. Jab use pakda gaya, toh usne poori sazish ka iqraar kar liya.
Police ne ab tak 18 se zyada gold chains (15–20 grams tak ki) baramad ki hain, jinki keemat around ₹32 lakh hai.
