Nowhera Shaikh Par ED-Attached Property Bechne Ka Naya Aarop — ₹1.90 Crore Ki Cheating Case Mein FIR.

Nowhera Shaikh Par ED-Attached Property Bechne Ka Naya Aarop — ₹1.90 Crore Ki Cheating Case Mein FIR.

 

View this post on Instagram

 

A post shared by Gallinews India (@gallinews_com)

Nowhera Shaikh aur unke lawyers — Adv. Irfan Shaikh aur Adv. Tammanna Shaikh — par ek aur naya cheating ka aarop laga hai. CBD Belapur Police ne unke khilaaf BNS 318(4), 61(2) aur 3(5) ke tehat ₹1 crore 90 lakh ke fraud case mein FIR darj ki hai.

Nowhera Shaikh ke khilaaf pehle hi crores ke cheating aur fraud ke kai cases chal rahe hain. Ab un par ED (Enforcement Directorate) ki attached property ko bina NOC bechne ki koshish ka aarop laga hai.

Complainant ke mutabik, Adv. Irfan aur Adv. Tammanna unke office aaye aur bataya ki Nowhera Shaikh financial problem mein hain aur Ulwe ke Delta Tower mein unke 4 flat urgent bechne hain. Unhone complainant ko yeh bhi bola ki ek flat ki market value ₹1.40 crore hai, lekin woh Nowhera Shaikh se ₹1 crore per flat mein — total ₹4 crore — flats dilwa denge.

Deal final karwane ke liye complainant ki Nowhera Shaikh se phone par baat bhi karwai gayi, jiske baad complainant ready ho gaye.

Aarop hai ki teeno ne complainant ko yeh nahi bataya ki Delta Tower ke sabhi 4 flat ED ke through attached hain, jise bina ED NOC ke becha hi nahi ja sakta. Iske bawjood complainant se ₹1 crore 90 lakh liye gaye — 50-50 lakh ke 4 demand draft aur 40 lakh ka ek aur DD.

Jab complainant ko ED attachment ka pata chala, toh unhone Irfan aur Tammanna se contact karna chaha, lekin complainant ke hisaab se dono advocates ne calls uthana band kar diya.

CBD Belapur Police ne ab cheating, forgery aur ED-attached property bechne ke aarop mein case register kar liya hai. Mamla investigation mein hai.