Oshiwara Firing Case: Actor Kamaal R Khan Ko Judicial Custody, Andheri Court Ka Faisla
Oshiwara Firing Case: Actor Kamaal R Khan Ko Judicial Custody, Andheri Court Ka Faisla
View this post on Instagram
Actor aur self-proclaimed film critic Kamaal R Khan (KRK) ko Oshiwara firing case mein Andheri Metropolitan Magistrate Court ne judicial custody mein bhej diya hai. Tuesday ko police custody khatam hone ke baad KRK ko court ke saamne pesh kiya gaya, jahan se unhe judicial custody remand kar diya gaya.
Mumbai Police ke mutabik, firing ka incident Oshiwara ke ek residential building mein hua tha. Complaint milne ke baad police ne area ke CCTV footage check kiye aur kai logon ke statements record kiye. Investigation ke dauran KRK se poochtaach ki gayi, jiske baad unhe giraftaar kiya gaya.
Is beech KRK ke lawyer, advocate Nagesh Mishra, ne police ke claims ko galat bataya hai. Unhone kaha ki yeh poora case “fabricated” hai aur actor ko jhoothi tarah se phasaya ja raha hai. Lawyer ka kehna hai ki jis jagah se goli chalne ka daawa kiya ja raha hai, wahan distance kaafi zyada hai aur aise mein KRK ke gun se firing hona possible nahi hai.
Advocate ne yeh bhi kaha ki KRK ka is firing incident se koi lena-dena nahi hai aur kuch Bollywood ke bade log unke khilaaf police ko influence kar rahe hain.
