Pakistani Actor Fawad Khan Ki Bollywood Me Wapasi, Hindi Movie Sign Karne Ki Khabar
Pakistan ke famous actor Fawad Khan, jinhone Indian Bollywood movies me logon ka dil jeeta tha, Bollywood me wapas aane ki khabar se fir se charcha me hain.
View this post on Instagram
India me Pakistani artist ko kaam dene par objections aur political tensions ke baad Pakistani kalakaron ki India me entry lagbhag bandh hogayi thi. Lekin ab khabar mili hai ki Fawad Khan ne ek Bollywood movie sign ki hai.
Iss film ki lead actress Vani Kapoor hone ki bhi baat kahi ja rahi hai. Pehle bhi Fawad Khan ne “Ae Dil Hai Mushkil”, “Kapoor & Sons”, aur “Khoobsurat” jaisi movies me kaam karke apni acting se logon ko impress kiya hai.
Pakistani kalakaron ko India me kaam nahi diye jaane ki petition pichle saal 2023 me Bombay High Court me ki gayi thi, jise Supreme Court ne bhi reject kar diya tha.
Fawad Khan ki Bollywood me wapas aane ki yeh khabar unke fans ke liye khushi ki baat hai aur dekhna hoga ki audience unhe fir se kaise welcome karti hai.
