PM Modi Ka Road Show – Common Public Ka Haal Hua Behal, Metro Bandh Ki Gayi Thi, Ghatkopar Station Par Stampede Jaise Halaat.
Beeti Shaam Eastern Mumbai Mein PM Narendra Modi Ka Road Show Tha, Jiske Chalte Security Reasons Ke Karan Versova Ghatkopar Metro Line Service Ko 6 Baje Ke Baad Se Jagruti Nagar Se Ghatkopar Ke Beech Bandh Kiya Gaya Tha.
Mumbai Metro 1 Ne Yeh Announcement Qareeb 3 Baje Diya Tha, Iss Liye Iss Baat Se Bekhabar Hazaron Metro 1 Travellers Ghatkopar Station Par Phans Gaye Aur Station Par Logon Ka Hujum Jama Hone Se Stampede Jaise Halaat Nazar Aane Lage They.
Mumbai Metro 1 Ke Passengers Ne PM Modi Ke Road Show Ki Wajah Se Hone Wali Problems Ko Bayan Karte Hue Apna Gussa Utara. Opposition Party Ne Bhi Janta Ki Takleef Ko Social Media Par Share Karke Modi Ji Ke Road Show Par Tippani Diya.