Police Ne ₹40 Lakh Ka Mephedrone (MD) Japt Kiya, Ek Aaropi Girftar
Jogeshwari aur Andheri area mein drug trafficking ke khilaf police ne badi karvayi ki hai. Raid ke dauran police ne 800 gram MD (Mephedrone) japt kiya hai, jiski estimated market value lagbhag ₹40 lakh batayi ja rahi hai.
Police ko secret informer se information mili thi ki Jogeshwari ke Memon Colony, Amboli area mein bade level par drugs ka illegal storage aur supply ho raha hai. Is input ke baad police team ne turant raid conduct ki.
Raid ke dauran police ne Faujan Ali Ahmed Ticketwala (33) ko uske ghar se pakda. Uske paas se 800 gram Mephedrone (MD) baramad kiya gaya.
Yeh operation Deven Bharti aur dusre senior police officers ki guidance mein conduct kiya gaya. Crime detection team ne raid ko successfully execute kiya aur accused ko custody mein le liya.
