Ram Janmabhoomi film ke producer, director ke khilaaf ek aur complaint (10/1/2018)
Mumbai ke DN Nagar police station mey Ram Janmabhoomi film ke producer, director par FIR darj karne se mana kiye jaane par, ek 70 saal ke buzurg ne court me private complaint file ki hai.
Shikayat karta Anwar Rustam Khan (70 yrs, r/o Andheri) ne Andheri Metropolitan Magistrate Court mey film ke producer Waseem Rizvi aur director Sunoj Mishra par DN Nagar police station ke Sr. PI ko FIR darj karne ki maang ki hai.
Khan ke waqeel Adv. Raeed Kazi, Adv. Akram Khan aur Adv. Shraddha Vavhal ne, CrPc ki dhaara 156(3) ke tehet Magistrate ke saamne complaint file ki.
Dono aaropiyo par IPC ki dhaara 153-A, 153-B, 295-A ke tehet FIR ki mang ki hai.
Waseem Rizvi ki film ki release par Bombay HC ne pehle hi rokh laga chuka hai. Iske alawa JJ Marg PS me Rizvi par dharmik bhavnao ko ahet karne par ek FIR bhi darj hai. – Gallinews.com ke liye Sher M. Khan ki report
Please Subscribe Gallinews New You Tube Channel and
Press Bell Icon to get Regular Update Press Link & Subscribe
