Street Dogs Feeding Case Me Society Ke Entry–Exit Par Khana Khilane Se Rokna Galat Nahi, Bombay High Court Ka Bada Faisla
Street Dogs Feeding Case Me Society Ke Entry–Exit Par Khana Khilane Se Rokna Galat Nahi, Bombay High Court Ka Bada Faisla
Street dogs ko khana khilane ko lekar chal rahe vivadon par Bombay High Court ne ek important observation diya hai. Court ne kaha hai ki housing society ke entry–exit points par bina permission street dogs ko khana khilane se rokna “galat tareeke se rokna” nahi mana ja sakta. Isi base par court ne Pune ke ek shaks ke khilaaf darj FIR ko radd kar diya.
Justice Revati Mohite Dere aur Justice Sandeep Patil ki bench ne kaha ki BNS ki dhara 126 ke tahat, agar koi vyakti unauthorised jagah par dogs ko khana khilane se mana karta hai, to use illegal act nahi mana ja sakta.
High Court ne yeh bhi note kiya ki concerned housing society me 11 mahino me dog bite aur attack ke lagbhag 40 cases report hue the. Isi wajah se shaks ne ek mahila ko society premises me street dogs ko khana khilane se roka tha. Court ne kaha ki aise halat me society members ki safety ko dhyan me rakhna zaroori hai.
