Thackeray Bhaiyon Ka Political Reunion, Uddhav–Raj Ne Alliance Ka Ailaan Kiya
Thackeray Bhaiyon Ka Political Reunion, Uddhav–Raj Ne Alliance Ka Ailaan Kiya
View this post on Instagram
Mumbai ki politics me Wednesday ko ek bada aur historic development dekhne ko mila, jab Shiv Sena (UBT) chief Uddhav Thackeray aur Maharashtra Navnirman Sena (MNS) president Raj Thackeray ne aane wale (BMC) Elections 2026 ke liye formal alliance announce kar diya. Lagbhag 20 saal baad Thackeray cousins ka reunion hua hai, jo Mumbai ke political equations ko poori tarah badalne wala maana ja raha hai.
Alliance ka formal announcement Raj Thackeray ne kiya. Unhone confirm kiya ki Shiv Sena (UBT) aur MNS BMC elections milkar ladenge. Halaanki, dono leaders ne seat-sharing formula par abhi parda daal diya hai.
Raj Thackeray ne wajah batate hue kaha, “State me kuch ‘kidnappers ka gang’ active hai, jo political logon ko party se utha le ja rahe hain. Isliye hum filhaal numbers reveal nahi kar rahe.”
Uddhav Thackeray ne is alliance ko sirf tactical nahi balki long-term political partnership bataya.
Unhone kaha, “Hum saath aaye hain, aur saath rehne ke liye aaye hain.” Isse clear ho gaya hai ki yeh sirf ek election tak limited samjhauta nahi hai.
