Traffic Alert – Shivaji Park Dadar Mein Jahir Sabha Ko Lekar Mumbai Traffic Police Ne Aaspass Ke Areas Mein 17 May Subah 10 Se Raat 12 Tak No Parking Declare Kiya Hai.
Mumbai Ki 6 Seat Par 20 Ko Hone Wale Loksabha Election Ko Lekar Dadar Shivaji Park Mein Maharashtra Navnirman Sena Ki 17 May Ko Jahir Sabha Hone Wali Hai.
Iss Jahir Sabha Mein Maharashtra CM, Deputy CM Aur Dusre Bade Leaders Shamil Ho Sakte Hain, Jiske Chalte Mumbai Traffic Police Ne Bataya Hai Ke Dadar Shivaji Park Ke Aaspass Ke Lagbhag Sabhi Roads Par 17 May Ko Subah 10 Baje Se Raat 12 Baje Tak Parking Karna Mana Hai. Sath Hi Bataya Gaya Hai Ke Zarurat Padne Par Kuch Roads Divert Bhi Kiya Ja Sakta Hai.
Aur Bataya Gaya Hai Ke Jahir Sabha Mein Aane Wale Logon Ki Gadiyon Ki Parking Ka Thodi Doori Par Alag Se Intezam Kiya Gaya Hai.
