West Asia War Ka Asar Mumbai Markets Par, Fruits–Vegetables Vendors Ko Nuksan

West Asia War Ka Asar Mumbai Markets Par, Fruits–Vegetables Vendors Ko Nuksan

Asia mein chal rahe US-Iran-Israel conflict ka asar ab Mumbai ke fruit aur vegetable markets par bhi dikhne laga hai. Traders aur vendors ka kehna hai ki geopolitical tensions ki wajah se prices badh rahi hain aur sales mein bhi kaafi girawat aayi hai.

 

View this post on Instagram

 

A post shared by Gallinews India (@gallinews_com)

Byculla ke Sant Gadge Maharaj Mandai ke trader Rahul Patil ne bataya ki LPG cylinder shortage ki wajah se hotels ke orders kaafi kam ho gaye hain. Unhone kaha ki aam taur par subah tak vegetables bik jate hain, lekin ab customers ki sankhya lagbhag 40% tak kam ho gayi hai, aur sirf ghar ke buyers hi market aa rahe hain.

Vendors ke mutabik imported fruits ke prices bhi kaafi badh gaye hain. Sweet Lime jo 8–10 din pehle ₹16–22 per kg milta tha, ab ₹40 per kg tak pahunch gaya hai. Wahin pomegranates ka price ₹120–130 se badhkar ₹160–180 per kg ho gaya hai.