*₹1.93 Crore Forex–Diamond Smuggling Case: DRI Ne 2 Aur Logo ko Kiya Giraftar, Fort Shop Se ₹97 Lakh Cash Hua Baramad.*
*₹1.93 Crore Forex–Diamond Smuggling Case: DRI Ne 2 Aur Logo ko Kiya Giraftar, Fort Shop Se ₹97 Lakh Cash Hua Baramad.*
Directorate of Revenue Intelligence (DRI) ne foreign currency aur diamond smuggling racket me 2 aur logon ko arrest kiya hai. Is case me ab tak total 6 log giraftar ho chuke hain.
12 February ko Chhatrapati Shivaji Maharaj International Airport par Dubai ja rahe 4 passengers ko roka gaya tha. Unke baggage ki checking me ₹1.93 crore ke British Pounds aur US Dollars baramad hue. Saath hi 93 gram diamonds 53 transparent pouches me chhupaye gaye the.
Passengers ne pooch-taach me bataya ki unhe ₹20,000 ke badle yeh maal Dubai le jaane ke liye diya gaya tha.
Unke paas foreign currency aur diamonds le jaane ke koi legal documents nahi the.
Follow-up investigation me DRI ne delivery man Sufiyan Narpali ko bhi pakda. Usne khulasa kiya ki yeh forex ek Fort ke shop owner B.H. Jain se milta tha.
Iske baad DRI ne Fort ke Bora Bazar Street par maujood shop par search operation chalaya. Yahan se ₹51.45 lakh ki foreign currency aur ₹45.90 lakh Indian cash baramad hui. Cash ko shop me do secret cavities me chhupakar rakha gaya tha.
DRI ab is smuggling network ke aur links ki jaanch kar rahi hai.
