Mumbai Metro 3 Aqua line Mai Mobile Network ki kaami ko duur karne ki maang ki Milind Deora ne

Mumbai Metro 3 Aqua line Mai Mobile Network ki kaami ko duur karne ki maang ki Milind Deora ne

Milind Deora ne Mumbai Metro 3 Aqua Line par mobile aur internet connectivity ki kami ko lekar Mumbai Metro Rail Corporation Limited ko patra likhkar turant karwai ki maang ki hai.

Deora ne Ashwini Bhide ko likhe patra mein kaha ki underground metro corridor mein kai jagahon par network bilkul nahi mil raha, jo rozana safar karne wale logon ke liye badi samasya ban gaya hai.

 

View this post on Instagram

 

A post shared by Gallinews India (@gallinews_com)

Unhone kaha ki Mumbai jaise financial capital mein connectivity ka issue sirf inconvenience nahi, balki productivity aur kaam par bhi asar daalta hai, kyunki kai professionals travel ke dauran bhi digital connectivity par depend hote hain.

Deora ne MMRCL se telecom companies ke saath milkar jaldi se jaldi mobile network rollout karne ki appeal ki hai. Saath hi, interim solution ke roop mein stations aur tunnels mein high-speed Wi-Fi provide karne ki bhi salah di hai.

Filhaal Metro 3 Aqua Line mein mobile services band hain, kyunki pehle ke infrastructure provider ko contract conditions poori na karne par hata diya gaya tha. Naye network system ke lagne mein abhi waqt lag sakta hai.