Rohit Shetty Ko Maarne Ki Saazish Ka Khulasa, Arrested Accused Ne Wanted Shubham Lonkar Ke Saath Rachi Sazish
View this post on Instagram
Filmmaker Rohit Shetty ke ghar par hui firing ke maamle mein girftaar kiye gaye 4 accused ko Mumbai ki Esplanade Court mein pesh kiya gaya. Court ne sabhi aaropiyon ko 5 February tak police custody mein bhej diya hai.
Girftaar aaropi hain:
Swapnil Bandu Sakat (23)
Siddharth Deepak Ainpure (19)
Samarth Shivsharan Pomaji (19)
Aditya Gyaneshwar Gayaki (19)
Police ke mutabik, arrested accused Samarth Shivsharan Pomaji ne wanted accused Shubham Lonkar ke saath milkar Rohit Shetty ko jaan se maarne ki criminal conspiracy rachi thi. Isi saazish ke tahat, Shetty ke residence ki taraf firearm se firing ki gayi, jiska maksad unki hatya karna tha.
Investigation mein pata chala hai ki Samarth, wanted accused Shubham Lonkar ke instructions par kaam kar raha tha. Usne co-accused Aditya Gayaki se Honda Dio scooter arrange ki, jo baad mein shooter ko Mumbai mein ek pre-decided location par di gayi.
Police ka kehna hai ki crime mein use hui gaadi ke liye financial assistance Shubham Lonkar ne di thi, jo is baat ka clear indication hai ki Rohit Shetty ko maarne ka iradah tha.
